Ladki Bahin Yojana : राज्यातील लाखो महिलांसाठी लाडकी बहीण योजना हा फक्त सरकारी उपक्रम राहिलेला नाही, तर महिन्याच्या खर्चाला हातभार लावणारा आधार ठरला आहे. नोव्हेंबर महिन्याचा हप्ता खात्यात जमा झाल्यानंतर आता डिसेंबर आणि जानेवारीच्या हप्त्याबाबत महिलांमध्ये उत्सुकता वाढली आहे. विशेषतः नवीन वर्षाची सुरुवात, मकरसंक्रांतीचा सण आणि त्याच काळात येणाऱ्या निवडणुकांच्या पार्श्वभूमीवर महिलांच्या खात्यात एकाच वेळी ३००० रुपये जमा होणार का याची जोरदार चर्चा सुरू झाली आहे. Ladki Bahin Yojana
नोव्हेंबर महिन्याचा १५०० रुपयांचा हप्ता अनेक महिलांच्या खात्यात जमा झाला आहे. मात्र त्यानंतर डिसेंबर महिना संपत आला तरी पैसे न आल्याने अनेक महिला बँक सीएससी केंद्रे आणि अंगणवाडी सेविकांकडे चौकशी करत आहेत. दरम्यान, सरकारी यंत्रणांमधून मिळणाऱ्या माहितीनुसार डिसेंबर आणि जानेवारी हे दोन्ही हप्ते एकत्र देण्याची शक्यता नाकारता येत नाही. मकरसंक्रांतीचा मुहूर्त साधून १४ जानेवारीच्या आसपास महिलांच्या खात्यात एकरकमी ३००० रुपये जमा होऊ शकतात अशी चर्चा प्रशासनाच्या वर्तुळात सुरू आहे.
विशेष म्हणजे याच कालावधीत राज्यात महापालिका निवडणुकांचा कार्यक्रमही अपेक्षित आहे. त्यामुळे निवडणुकीपूर्वी महिलांना आर्थिक दिलासा देण्यासाठी सरकारकडून हा निर्णय घेतला जाऊ शकतो, असेही बोलले जात आहे. मात्र आतापर्यंत याबाबत कोणतीही अधिकृत घोषणा झालेली नाही. तरीसुद्धा मागील हप्त्यांचा अनुभव पाहता अचानक पैसे जमा झाल्याचे संदेश मोबाईलवर येतात, असा अनुभव अनेक महिलांनी घेतलेला आहे.
दरम्यान या योजनेबाबत एक महत्त्वाची बाब समोर येत आहे. ज्या महिलांनी अद्याप केवायसी प्रक्रिया पूर्ण केलेली नाही त्यांचा लाभ थांबवण्यात येणार असल्याचे स्पष्ट संकेत मिळत आहेत. केवायसीसाठी दिलेली मुदत संपली असून अजूनही मोठ्या संख्येने महिलांनी ही प्रक्रिया पूर्ण केलेली नाही. त्यामुळे अशा महिलांना पुढील हप्ते मिळणार नाहीत हे जवळपास निश्चित मानले जात आहे. त्यामुळे ज्या महिलांना अजूनही पैसे आलेले नाहीत त्यांनी केवायसी स्थिती तातडीने तपासण्याची गरज आहे.
एकीकडे मकरसंक्रांतीसारखा सण नवीन वर्षाची सुरुवात आणि घरखर्चाची गरज लक्षात घेता ३००० रुपयांची रक्कम महिलांसाठी मोठा दिलासा ठरू शकते. त्यामुळे आता सर्वांचे लक्ष सरकारच्या अधिकृत घोषणेकडे लागले असून येत्या काही दिवसांत याबाबत स्पष्ट चित्र समोर येण्याची शक्यता आहे. तोपर्यंत महिलांनी अफवांवर विश्वास न ठेवता केवळ अधिकृत माहितीवरच लक्ष ठेवावे, असेही प्रशासनाकडून सूचित करण्यात येत आहे.
हे पण वाचा | Ladki Bahin Yojana: मकर संक्रांतीनिमित्त महिलांना मिळणार मोठे गिफ्ट! एक सोबत जमा होणार ₹3000?